هل لديك مشكلة في المنتدى ؟

[محمد العمر]

بعد أن تم ترخيص المنتدى .. فقد قمنا بترقيته إلى آخر إصدار من نسخة المنتديات و التي كانت مفروضة علينا بحكم الرخصة

و المنتدى ... كأي برنامج يمكن أن نقوم بتنصيبه على حواسيبنا الشخصية ... قد نحتاج فترة لنتعلم أسراره و إكتساب الممارسه به .

فإننا نرى أنه من الضروري إشراك الأعضاء في مشاكل المنتدى
من خلال طرح المشلات التي تواجههم في تصفح المنتدى ( الألبومات - رسائل الزوار - الرد - كتابة موضوع - المجموعات الإجتماعية ....... )
و سنقوم بالرد على جميع الإستفسارات ضمن هذا الموضوع

ملاحظة :
نسخة المنتديات الحالية غير مدعومة من متصفح الـ Explorer و المشكلة في المتصفح لافي المنتدى ، و خاصة في الإصدارات 7 و ما قبل ... و رغم أننا نحاول جاهدين تجاوز هذه المشكلة فإننا ننصح باستخدام متصفحات أخرى
مثل Opera و Firefox و Avant Browser ..... إلخ

شرط وجود 50 مشاركة لظهور صندوق المحادثات فقط للأعضاء المنتسبين للموقع بأسماء صريحة بينما بقية الأعضاء المنتسبين باسماء رمزية فلا يظهر لهم صندوق المحادثات حتى لو تجاوز عدد مشاركاتهم الـ 50 ...
باختصار ... صندوق المحادثات فقط للأعضاء المنتسبين للموقع باسماء حقيقية ، و هذا لا يقلل من أهمية أو إحترام بقية الأعضاء
نفس الشيء بالنسبة لمنتدى الطاولة المستديرة التي تظهر لمجموعة الأعضاء المنتسبة بالأسماء الصريحة فقط

شكراً لتفهم الفكرة

كل المطلوب من الأخوة الأعضاء طرح مشكلاتهم في التعامل مع المنتدى بالتفصيل

[عمارالشيخ حسين]

مرحباااااااااااااااااااا@كيفك؟بس أنا عم فوت بكذا متصفح على لمنتدى (أنا مسجل بلمنتدى بس ماعم يطلع صندوق لمحادثة)أرجو منكم لمساعدة@وشكرا

[محمود الشيخ علي]

أهلا وسهلا فيك اخ عمار كعضو جديد بالمنتدى .... بخصوص صندوق المحادثاة فهوي مرتبط بعدد المشاركات واللي هوي 50 مشاركه على الاقل ...... ناطرين مشاركاتك ومواضيعك معانا واهلا وسهلا فيك مره تانيه

[مصطفى الديب]

مرحبا انا فتت عامركز رفع الملفات وحملت صور بس ماعم لاقيهن ؟؟؟؟؟؟

[محمود الشيخ علي]

هلا صطيف .... أول شي يا صطيف الصور اللي عندك ما بتحمل عالمنتدى لإن حجمها كبير يعني لا زم تنزل الحجم وبخصوص الرفع وقت بيرفعلك الصور بيعرضلك ياهن وبيعطيك رابط واللي هوي لازم تنزلو بمشاركه أو بموضوع .... وغير هيك نحنا جاهزين لنحل المشكله وتكرم عينك

[مصطفى الديب]

عراسي خي محمود مشي الحال لقيتن
بعدين عرفت انو لازم حط الرابط بالموضوع

[أنين الروح]

أهلا وسهلا فيك اخ عمار كعضو جديد بالمنتدى .... بخصوص صندوق المحادثاة فهوي مرتبط بعدد المشاركات واللي هوي 50 مشاركه على الاقل ...... ناطرين مشاركاتك ومواضيعك معانا واهلا وسهلا فيك مره تانيه

مرحبا شباب أنا مشاركاتي فوق ال 50 مشاركه وما طلع عندي صندوق الدردشه شو المشكله ؟

[محمد العمر]

أهلاً أنين الروح
شرط وجود 50 مشاركة لظهور صندوق المحادثات فقط للأعضاء المنتسبين للموقع بأسماء صريحة مثل ( عمارالشيخ حسين )
بينما بقية الأعضاء المنتسبين باسماء رمزية فلا يظهر لهم صندوق المحادثات حتى لو تجاوز عدد مشاركاتهم الـ 50 ...
باختصار ... صندوق المحادثات فقط للأعضاء المنتسبين للموقع باسماء حقيقية ، و هذا لا يقلل من أهمية أو إحترام بقية الأعضاء
نفس الشيء بالنسبة لمنتدى الطاولة المستديرة التي تظهر لمجموعة الأعضاء المنتسبة بالأسماء الصريحة فقط

شكراً لتفهم الفكرة

[أنين الروح]

مشكور أخ محمد العمر عالمساعدة مشكور كتير بس شرط وجود الاسم الحقيقي لوجود صندوق المحادثة يعني (صندوق الدردشة) أو الطاوله المستديرة يعني هيك عمتلزم الواحد يدخل اجباري عنو باسمو الحقيقي وما بيصير هاد الشئ مع احترامي الك أخ محمد واحترامي لبقية الأعضاء يعني أنا قرأت شروط المنتدى وما لا قيت هاد الشرط موجود وبالنسبه للقبي يعني لقب ما في أية اساءة لأي حدا موجود هون وخلص أنا ماعاد بدي صندوق الدردشه اذا بدي غير لقبي وادخل باسمي الحقيقي والله يعطيكن ألف عافيه ويقويكن ياشباب

[همسة الديوب]

بصراحة انامشكلتي مو تقنية مشكلتي اني دائما عمبكتب مواضيع ودائما برد عجميع المواضيع بس شو المعنى اني دائما لما بكتب موضوع محد برد علي حتى بيضل اكتر من يومين لحتى اكتب انو رجاء شاركونا ,تانيا انا كتبت موضوع اسمو تخيل شفت رد الاخ حبيب الشيخ علي وهلق ما عملاقي